“Salahın Messi və Levandovski səviyyəsində olduğunu düşünürəm”

Almaniyanın “Yunion” klubunun futbolçusu Tayvo Avoniyi “Liverpul”un hücumçusu Məhəmməd Salah haqda açıqlama verib.

Komanda.az xəbər verir ki, Berlin təmsilçisinin nigeriyalı hücumçusu, Salahın Lionel Messi və Robert Levandovski səviyyəsində olduğunu deyib:

“Salah hər xüsusiyyətə malik futbolçudur. Onunla tanış olanda, necə məşq etdiyini görəndə bu haqda düşündüm.

O, təcrübəli futbolçudur və daha əvvəl “Çelsi”də, “Roma”da çıxış edib. İndi də “Liverpul”da yüksək performans sərgiləyir. O, zirvədədir. Salahın Messi və Levandovski səviyyəsində olduğunu düşünürəm”.