Bundesliqa klubunda yeni futbolçu

Almaniyanın “Yunion” klubu heyətini yeni futbolçu ilə gücləndirib.

Komanda.az xəbər verir ki, Berlin təmsilçisi “Maynts”dan Levin Öztunalı ilə razılaşıb. Bu barədə klubun mətbuat xidməti məlumat yayıb. 25 yaşlı yarımmüdafiəçi ilə imzalanan müqavilənin detalları açıqlanmayıb.

Levin yeni komandasına iyulun 1-də qoşulacaq. O, “Yunion”a azad agent kimi keçib.

Öztunalı bu mövsüm “Maynts”la Bundesliqada 16 oyunda 1 qol vurub, 2 məhsuldar ötürmə edib.