Çempionlar Liqasının yeni rekordçusu – “Bavariya”!

Almaniyanın “Bavariya” klubu Çempionlar Liqasının 1/8 final mərhələsində İtaliya “Latsio”sunu (ilk oyun 4:1, cavab oyunu 2:1) mübarizədən kənarlaşdıraraq, növbəti mərhələyə yüksəlib.

Komanda.az “Opta”ya istinadən xəbər verir ki, Münhen təmsilçisi tarixində 19-cu dəfə turnirin 1/4 final mərhələsinə yüksəlib. Bu, Çempionlar Liqasında rekord göstəricidir. Bundan əvvəlki rekord isə İspaniya “Barselona”sında idi. Kataloniyalılar ÇL-də 18 dəfə 1/4 final mərhələsinə yüksəlib.