Almaniyadan 4 “elçi”si var – “Mançester Siti”nin futbolçusunun

“Mançester Siti” yarımmüdafiəçi Ceyms Makati ilə ayrılmaq istəmir.

Komanda.az xarici KİV-ə istinadən xəbər verir ki, 22 yaşlı futbolçu Almaniya klublarının maraq dairəsinə düşüb.

“Bayer”, “Ştutqart”, “Leyptsiq” və “Maynts” ingilis oyunçunu istəsələr də, “şəhərlilər” bütün təklifləri rədd edib.

“Mançester Siti” istedadlı yetirməsini saxlamaq niyyətindədir ki, “Çelsi”yə satıldıqdan sonra parlayan Koul Palmerin hekayəsi təkrarlanmasın. O, bu mövsüm 14 oyunda iştirak edib, 5 qol vurub.