Almaniyada 2024-cü ilin ən yaxşı futbolçusu və məşqçisi məlum olub

Almaniyanın nüfuzlu “Kicker” jurnalı 2024-cü ilin ən yaxşı futbolçusu və ən yaxşı məşqçisi üçün apardığı səsvermənin nəticələrini açıqlayıb.

Komanda.az xəbər verir ki, ən yaxşı oyunçu Avropa çempionatından sonra karyerasını başa vuran yarımmüdafiəçi Toni Kroos seçilib. Kroos “Real”da keçirdiyi 10 mövsümdən sonra, 34 yaşında butslarını asmaq qərarına gəlib.

“Bayer”də işləyən Xabi Alonso isə ilin ən yaxşı məşqçisi seçilib. Onun rəhbərliyi altında Leverkuzen klubu tarixində ilk dəfə Almaniya çempionu olub. Bundan əlavə, “əczaçılar” ölkə kubokunu qazanaraq, Avropa Liqasının finalına yüksəlib.