Almaniya millisinin baş məşqçisi məlum oldu – Rəsmi

“Bayern”in keçmiş çalışdırıcısı Yulian Naqelsmann Almaniya millisinin baş məşqçisi təyin olunub.

Komanda.az millinin mətbuat xidmətinə istinadən xəbər verir ki, 36 yaşlı mütəxəssislə 2024-cü il iyul ayına qədər nəzərdə tutulan müqavilə imzalanıb. O, sentyabrın 10-da vəzifəsini tərk edən Hans-Diter Fliki əvəz edib.

Naqelsmann 2021-ci ilin yayından “Bayern”ə rəhbərlik edirdi. Bundesliqa klubu martın 24-də onu istefaya göndərib. Onu bu vəzifədə Tomas Tuxel əvəzləyib.