Alman futbolçu “Liverpul”un hədəfində

İngiltərə Premyer Liqasında çempionluq yarışında olan “Liverpul”un yayda əsas transfer hədəfi bəlli olub.

Komanda.az xəbər verir ki, Mersisayd təmsilçisinin baş məşqçisi Yurgen Kloop, “Bayer”in futbolçusu Yulian Brandtın heyətə cəlb olunmasını istəyir. Bu barədə İngiltərə mətbuatı məlumat yayıb.

“Liverpul” bu mövsüm sərgilədiyi oyunla “Yuventus” və “Real” tərəfindən də izlənilən 22 yaşlı hücumçu üçün müqaviləsində olan “24 milyon avroya sərbəst qalır” maddəsindən istifadə etmək niyyətindədir.

Almaniya millisinin də formasını geyinən Brandt, “Bayer” formasıyla cari mövsümdə 38 qarşılaşmada iştirak edərək, 7 qol vurub və 14 məhsuldar ötürmə edib.