Şirer “Liverpul”un müdafiəçisini təriflədi

“Nyukasl”, “Blekbern” və İngiltərə yığmasının keçmiş hücumçusu Alan Şirer “Liverpul”un müdafiəçisi Jozef Qomesi bu mövsüm göstərdiyi performansa görə tərifləyib.

Komanda.az xarici KİV-ə istinadən xəbər verir ki, Şirer ingiltərəli futbolçunun əvvəllər çox səhvlər etdiyini bildirib:

“O, yaxşılaşdı. Düşünürəm ki, əvvəllər çox səhvlər edib, elə deyilmi? Ona qarşı oynasaydım, əla olardı, çünki şansımı qazanacağıma əmin olardım”.

Qomesin 26 yaşı var və 2015-ci ildən “Liverpul”da çıxış edir. Onun klubu ilə hazırkı müqaviləsi 2027-ci ilin yayına kimi nəzərdə tutulub.

“Liverpul” İngiltərə Premyer Liqasında 28 turdan sonra 64 xal toplayaraq turnir cədvəlinin 2-ci pilləsində qərarlaşıb.