Alabanın yeni ünvanı – Madrid!

“Bavariya”dan ayrılmağa hazırlaşan David Alabanın yeni klubu müəyyənləşib.

Komanda.az İspaniya mətbuatına istinadən xəbər verir ki, “Real” 28 yaşlı futbolçunu heyətinə qatmağa hazırlaşır. Tərəflər arasında ilkin razılığın əldə olunduğu və “kral klubu”nun futbolçunun bütün maddi tələblərini qarşılamağa hazır olduğu bildirilir.

Alabanın “Bavariya” ilə müqaviləsi cari mövsümün sonunda başa çatır. Bu səbəblə, o, “Real”la anlaşacağı halda azad agent kimi transfer olunacaq.

Avstriyalı futbolçu 2010-cu ildən Münhen klubunun şərəfini qoruyur.