Alaba Azərbaycanla matçda oynayacaq? – Durumuna aydınlıq gəlib

AÇ-2024-ün seçmə mərhələsində ilk oyununu Azərbaycan millisinə qarşı keçirəcək Avstriya yığmasında David Alabanın durumu məlum olub.

Komanda.az xarici KİV-ə istinadən xəbər verir ki, o, komanda ilə birlikdə məşqlərə başlayıb.

Zədə səbəbindən “Real”da son altı oyunu buraxan və bir aydır fiziki formasını bərpa etməyə çalışan oyunçunun Azərbaycanla matçda meydana çıxması gözlənilir.

Alabadan fərqli olaraq, Aleksander Şlaqer, Marko Arnautoviç, Matias Honsak və Filipp Lienhart heyətdən çıxarılıblar.

Avstriya yığması martın 24-də Azərbaycan, 27-də isə Estoniya millisi ilə Linzdəki “Raiffeisen Arena”da üz-üzə gələcək.