“Ağsu”nun baş məşqçisi: “Həmin futbolçuları komandadan uzaqlaşdıracağıq”

Azərbaycan kubokunun 1/8 final mərhələsində “Sabah”a məğlub olan “Ağsu”nun baş məşqçisi Zaur Əsədovun matçdan sonra mətbuat konfransı keçirilib.

Komanda.az xəbər verir ki, Əsədov 0:5 hesabıyla bitən görüşü belə şərh edib:

• Rəqibi təbrik edirəm. Çalışdığımız qədər istədik ki, müdafiədə etibarlı olaq. İlk hissədə hardasa bacardıq, ancaq ikinci hissədə təcrübəsizlik sözünü dedi.
• Oyundan əvvəl xoşagəlməz hadisələr yaşanmışdı…
• Bilirəm. Bu barədə futbolçularla danışmışdıq. Lazım gəlsə, aidiyyatı orqanlara müraciət edəcəyik. Bir də belə hadisə baş versə, həmin futbolçuları komandadan uzaqlaşdıracağıq.
• İki futbolçu da klubdan uzaqlaşdırılıb.
• Bu haqda rəhbərlik qərarını verib. Nəsə demək istəmirəm.

Şahin Cəfərov