AGF ilə Baham adaları Gimnastika Federasiyası arasında memorandum imzalanıb

Baham adaları və Azərbaycan Gimnastika Federasiyaları (AGF) arasında Anlaşma Memorandumu imzalanıb.

Komanda.az xəbər verir ki, bu barədə AGF-nin mətbuat xidməti məlumat yayıb.

Bildirilib ki, müqavilə bədii gimnastikanın inkişafı və təbliği məqsədilə imzalanıb.

Memorandum AGF-nin baş katibi Nurlana Məmmədzadə və Baham adaları Gimnastika Federasiyasının prezidenti Kora Hepburn tərəfindən imzalanıb.

Bu əməkdaşlığın federasiyalar arasında təcrübə mübadiləsi baxımından əhəmiyyətli olduğu vurğulanıb.