“Ağdaş” – “Baku Sportinq” matçının nəticəsi ləğv edildi

2-ci Liqanın 2-ci turu çərçivəsində keçirilən “Ağdaş” – “Baku Sportinq” oyununun (2:4) nəticəsi ləğv edilib.

Komanda.az xəbər verir ki, bu barədə AFFA İntizam Komitəsinin iclasında qərar qəbul edilib. Bildirilib ki, görüşün 58-ci dəqiqəsində meydana girən “Baku Sportinq”in 10 nömrəli futbolçusu Elgün Abbaslının adı protokolda olmayıb.

Bu səbəbdən, paytaxt təmsilçisinə 0:3 hesablı texniki məğlubiyyət verilib. Bundan əlavə, “Baku Sportinq” klubu 400 manat cərimə edilib.