![](https://komanda.az/wp-content/uploads/2024/01/IMG_1494.png)
Afrika Millətlər Kuboku başlayır
Bu gün Fil Dişi Sahilində Afrika Millətlər Kuboku start götürəcək.
Komanda.az xəbər verir ki, turnirdə 24 komanda iştirak edəcək. Açılış matçında A qrupunda Fil Dişi Sahili Qvineya-Bissau ilə üz-üzə gələcək. Oyun saat 00:00-da başlayacaq.
Bu, tarixin 34-cü Afrika Millətlər Kubokudur. Fil Dişi Dahili isə ilk dəfə sözügedən turnirə ev sahibliyi edir. Yarış fevralın 11-dək davam edəcək. Daha əvvəl builki Afrika Millətlər Kubokunun iyun-iyul aylarında keçirilməsi planlansa da, bölgədəki əlverişsiz hava şəraiti nəticəsində qərar dəyişib.
Afrika Millətlər Kubokunun qalibi olan milli komanda 7 milyon dollar mükafat əldə edəcək. İkinci yeri tutan komanda isə 4 milyon dollar qazanacaq. Bu turnirin son çempionu Seneqal yığmasıdır.
Afrika Millətlər Kubokunda qrupların tərkibi belədir:
A qrupu: Fil Dişi Sahili, Nigeriya, Ekvatorial Qvineya, Qvineya-Bissau
B qrupu: Misir, Qana, Kabo-Verde, Mozambik
C qrupu: Seneqal, Kamerun, Qvineya, Qambiya
D qrupu: Əlcəzair, Burkina Faso, Mavritaniya, Anqola
E qrupu: Tunis, Mali, Cənubi Afrika Respublikası, Namibiya
F qrupu: Mərakeş, Konqo Demokratik Respublikası, Zambiya, Tanzaniya
Bizi Facebook-da izləyin