AFFA “Turan Tovuz” və “Kəpəz”i cərimələyib

AFFA İntizam Komitəsi “Turan Tovuz” və “Kəpəz” klublarını cərimələyib.

Komanda.az xəbər verir ki, bölgə təmsilçiləri Azərbaycan Kubokunun 1/8 final mərhələsinin oyunlarında yaşananlara görə ziyana düşüblər.

“Turan Tovuz” evdə “Sabah”a penaltilər seriyasında uduzduqları görüşdə azarkeşlərin hakimlərin ünvanına kütləvi şəkildə təhqiramiz ifadələr səsləndirməsi (cari mövsümdə ikinci dəfə) ucbatından 500 manat ödəyəcək. Meydan sahibləri tərəfdarların pirotexniki vasitədən istifadə etdiyi üçün 1500 manat cərimə olunub.

“Kəpəz” isə “İmişli”ni məğlub etdiyi (1:0) qarşılaşmada dörd futbolçusu sarı vərəqə ilə cəzalandırıldığından 700 manat ödəyəcək.