AFFA rəsmisi Avroliqa oyununa təyinat aldı

AFFA-nın Klubların Lisenziyalaşdırılması Departamentinin direktoru Elçin Məmmədov UEFA tərəfindən növbəti təyinat alıb.

Komanda.az xəbər verir ki, o, Avropa Liqasının pley-off mərhələsində keçiriləcək “Fənərbaxça” (Türkiyə) – “Anderlext” (Belçika) oyununun UEFA Matç direktoru (UEFA Venue Director) olacaq.

Qarşılaşma fevralın 13-də İstanbuldakı “Şükrü Saracoğlu” stadionunda baş tutacaq.