AFFA rəqiblərini təhqir edən futbolçuları cəzalandırıb

AFFA İntizam Komitəsi aşağı liqalarda rəqiblərini və hakimi təhqir edən futbolçuları cəzalandırıb.

Komanda.az xəbər verir ki, AFFA U-16 Liqasında keçirilmiş “Lion” – “Asta” matçında hər iki komandanın oyunçuları rəqiblərini təhqir ediblər. “Lion”dan Hüseyn Hüseynov, “Asta”dan Rəsul Quliyev 3 oyunluq diskvalifikasiya ilə üzləşiblər.

AFFA U-14 Liqasında isə Göyçayın “Çinar” kollektivinin futbolçusu İbrahim Şəfiyev Beyləqanın “Mil” komandası ilə görüşdə hakimi təhqir etdiyi üçün qırmızı vərəqə alıb. O, 2 matçlıq cəzalandırılıb.