AFFA-da yeni baş katib – Məmmədov 2 postdan birindən əl çəkdi

Bu gün AFFA-nın İcraiyyə Komitəsinin videokonfrans formatında növbəti iclası keçirilib.

Komanda.az federasiyanın rəsmi saytına istinadən xəbər verir ki, müzakirələrdən sonra aşağıdakı qərarlar qəbul olunub:

1. AFFA-nın 2020-ci il yanvarın 28-də təşkil olunan Konfransında Nizamnaməyə uyğun olaraq həyata keçirilmiş struktur dəyişikliyi, AVRO-2020-nin və AVRO-2020 ilə bağlı hesabat işlərinin başa çatması, həmçinin müvafiq hüquqi prosedurlar nəzərə alınaraq, AFFA-nın baş katibi vəzifəsi bu günə qədər baş katibin müavini vəzifəsində çalışan Sərxan Hacıyevə həvalə olunsun.
2. Futbolun İnkişafı Fondunun (FİF) Himayəçilər Şurasının tərkibi təsdiq olunsun:

Sədr
Vəli Qasımov

Üzvlər
Fəxrəddin Manafov
Asim Xudiyev
Yunis Hüseynov
Qənirə Paşayeva
Sona Abbasova
Anar Həsənov
Rüstəm Əfsərli
Şaiq Qəribzadə

3. AFFA-nın Futbol Veteranları Fondunun əsasnaməsinə uyğun olaraq, adları aşağıda göstərilmiş futbol veteranlarına AFFA-nın təqaüdü verilsin:

• Tofiq Məmmədov (Gəncə)
• Nazim Mehrəliyev (Ağdam)
• Hafiz Əliyev (Naxçıvan)

3. AFFA-nın 30 illik yubileyi ilə əlaqədar müxtəlif tədbirlərin keçirilməsi təsdiq olunsun.

Sərxan Hacıyev baş katib postunda Elxan Məmmədovu əvəz edib. Məmmədov həm də, AFFA-da icraçı vitse-prezident postunu tutur.