Adı MLS klubu ilə hallanan Jirudan açıqlama

“Milan”ın hücumçusu Olivye Jiru MLS-ə mümkün keçidi ilə bağlı şayiələrə münasibət bildirib.

Komanda.az “Telefoot”-a istinadən xəbər verir ki, fransalı futbolçu bu məsələ haqda deyəcək sözü olmadığını söyləyib:

“Mövsüm hələ bitməyib, ona görə də şərh verə bilmərəm. Bu barədə daha deməyə sözüm yoxdur”.

Futbolçu ilə “Los-Anceles” maraqlanır. Xarici mətbuat Jirunun klubla 2025-ci ilə qədər olan müqavilə imzalayacağını yazıb.

Jiru bu mövsüm “Milan”ın heyətində 36 oyun keçirib, 14 qol vurub və 9 məhsuldar ötürmə edib.