“Addım-addım irəliləyirik” – Braziliya millisinin baş məşqçisi

Braziliya millisinin baş məşqçisi Dorival Junior 2026-cı il dünya çempionatının seçmə mərhələsi çərçivəsində Çili yığması üzərində səfərdə qazandıqları qələbədən (2:1) danışıb.

Komanda.az xarici KİV-ə istinadən xəbər verir ki, braziliyalı çalışdırıcı sakit və balanslı oyun nümayiş etdirdiklərini bildirib:

“Gənclərimizdən belə yetkin oyun görməyə şadam. Sakit və balanslı futbol nümayiş etdirdik. Üzərində işlədiyimiz bir çox şeyləri meydanda göstərə bildik. Biz addım-addım irəliləyirik”.

Braziliya millisi Cənubi Amerika seçmə mərhələsinin turnir cədvəlində 4-cü yerdədir. Dorivalın yetirmələri növbəti oyunda evdə Peru millisini qəbul edəcək.