AÇ: Rüstəmovla Məhəmmədov üçün bürünc medal şansı

Polşanın paytaxtı Varşavada güləş üzrə Avropa çempionatı davam edir.

Komanda.az xəbər verir ki, altıncı yarış günündə son 5 yunan-Roma güləşçimiz mübarizəyə qoşulub.

Onlardan Murad Bazarov (60 kq), Xasay Həsənli (72 kq) və Tuncay Vəzirzadə (82 kq) mübarizəni erkən dayandırıblar.

Namaz Rüstəmov (67 kq) və Zamir Məhəmmədov (97 kq) da uğursuz çıxış edib. Amma rəqibləri finaladək irəlilədiyi üçün hər iki güləşçimiz üçün bürünc medal şansı yaranıb. Namazov aprelin 25-də təsəlliverici görüşə, Zamir isə bürünc medal görüşünə çıxacaq.

67 kq
1/8 final: Namaz Rüstəmov – Mate Nemes (Serbiya) 0:6
Təsəlliverici görüş: Namaz Rüstəmov – Zaur Kabaloyev (İtaliya)

97 kq
1/4 final: Zamir Məhəmmədov – Balaş Kiss (Macarıstan) 0:4
Bürünc medal görüşü: Zamir Məhəmmədov – Nikalay Stadub (Belarus)