AÇ: Azərbaycan millisi Avstriya ilə qarşılaşacaq

Qadınlardan ibarət voleybol üzrə Azərbaycan milli komandası bu gün 2023-cü il Avropa çempionatının seçmə mərhələsində növbəti görüşünü keçirəcək.

Komanda.az xəbər verir ki, D qrupunda yer alan yığma Avstriyanı qəbul edəcək. Bakıdakı Voleybol Mərkəzində təşkil olunacaq qarşılaşma saat 18:00-da başlayacaq.

İlk 2 turdan sonra Azərbaycanın 6 xalı var. Hər iki görüşdə Gürcüstan həm evdə, həm də səfərdə eyni hesabla məğlub edilib – 3:0. Sloveniyaya səfərdə 0:3, evdə 2:3 hesabı ilə uduzan Avstriyanın isə 1 xalı var.

Qruplarda ilk 2 yerin sahibləri AÇ-2023-ə vəsiqə qazanacaq.

AÇ-2023, seçmə mərhələ, voleybol

D qrupu

28 avqust

18:00 Azərbaycan – Avstriya

Hakimlər: Meryem Tekol Pelenk (Türkiyə), Deyan Rogiç (Serbiya)

Bakı, Voleybol Mərkəzi