AÇ-2028-in keçiriləcəyi ölkələr məlumdur?

Futbol üzrə AÇ-2028-in final mərhələsinin Böyük Britaniya və İrlandiyada keçiriləcəyi ehtimal edilir.

Komanda.az “Daily Mail” qəzetinə istinadən xəbər verir ki, İngiltərə, Şimali İrlandiya, Uels, Şotlandiya və İrlandiyanın futbol assosiasiyaları turnir üçün bir ay əvvəl birgə ərizə veriblər və görünür, onlara başqa rəqib ölkə olmayacaq.

Qəzetin yazdığına görə, Rusiya FİFA və UEFA-nın turnirlərindən kənarlaşdırıldığı üçün AÇ-2028-ə ev sahibliyi etmək hüququ qazana bilməyəcək.

AÇ-2028-in final mərhələsinə ev sahibliyi etməyə görə ərizələrin təqdim edilməsi üçün son tarix 23 mart 2022-ci ildir.

AÇ-2028-də iştirakçıların sayının 24-dən 32-yə yüksələcəyi, turnirin özünün isə ən azı 12 stadionda keçiriləcəyi gözlənilir.