AÇ-2028: Böyük Britaniya və İrlandiyaya rəqib olacaq?

2028-ci ildə keçiriləcək futbol üzrə Avropa çempionatına Böyük Britaniya və İrlandiya eyni vaxtda ev sahibliyi edə bilər.

Əvvəlcə Türkiyə, Yunanıstan, Bolqarıstan, Serbiya və Rumıniya AÇ-2028-i qəbul etmək istəklərini bildiriblər.

Komanda.az “Sky Sports”a istinadən xəbər verir ki, Avropa çempionatını qəbul etməyə hazırda başqa namizəd yoxdur. Böyük Britaniya və İrlandiya yeganə namizəd olaraq qalacaqsa, aprelin 7-də UEFA-nın iclasında turnirin ev sahibi kimi elan olunacaqlar.

Böyük Britaniya və İrlandiya 2030-cu ildə keçiriləcək dünya çempionatına ev sahibliyi etmək fikrindən imtina etdikdən sonra diqqətlərini AÇ-2028-ə yönəldiblər. Ərizəni UEFA-ya təqdim etmək üçün son tarix 23 martdır. Yekun namizədlərin elanı aprelin 5-nə planlaşdırılıb.