AÇ-2024-ün maskotu təqdim edildi – FOTO

UEFA 2024-cü ildə Almaniyada keçiriləcək futbol üzrə Avropa çempionatının rəsmi maskotunu təqdim edib.

Komanda.az UEFA-nın rəsmi saytına istinadən xəbər verir ki, oyuncaq ayı olan talisman ilk dəfə Helzenkirhendəki ibtidai məktəblərdən birində təqdim olunub.

Növbəti iki həftə ərzində UEFA-nın saytında yeni maskotun adı ilə bağlı azarkeşlər arasında səsvermə keçiriləcək.

AÇ-2024 gələn il iyunun 14-dən iyulun 14-dək Almaniyanın 10 şəhərində təşkil olunacaq. Turnirin qrup mərhələsində 24 komanda mübarizə aparacaq.