AÇ-2024: Türkiyə millisi bu gün Portuqaliya ilə qarşılaşacaq

Almaniyada keçirilən Avropa çempionatında bu gün qrup mərhələsinin 2-ci turunun son oyunları baş tutacaq.

Komanda.az xəbər verir ki, günün ilk qarşılaşması Gürcüstan və Çexiya milliləri arasında olacaq.

Gürcülər F qrupunun ilk matçında Türkiyəyə (1:3), çexlər isə Portuqaliyaya (1:2) məğlub olublar.

Bu qrupun digər oyununda Türkiyə millisi Portuqaliya ilə qarşılaşacaq. Hesabında 3 xal olan komandalardan biri qalib gələcəyi təqdirdə, 1/8 finala vəsiqəni
təmin edəcək.

Günün son qarşılaşmasında Belçika millisi ilə Rumıniya üz-üzə gələcək.

Belçika ilk görüşdə Slovakiya yığmasına (0:1) məğlub olub, Rumıniya isə Ukraynanı üstələyib – 3:0.

AÇ-2024, 2-ci tur

22 iyun

F qrupu

17:00. Gürcüstan – Çexiya
Baş hakim: Daniel Zibert (Almaniya)
Hamburq, “Folksparkştadion”

20:00. Türkiyə – Portuqaliya
Baş hakim: Feliks Şvayer (Almaniya)
Dortmund, “Siqnal İduna Park”

E qrupu

23:00. Belçika – Rumıniya
Baş hakim: Şimon Marçinyak (Polşa)
Köln, “Reyn Enerqi” stadionu