AÇ-2024: “Komanda bütün Gürcüstan xalqına əsl hədiyyə təqdim etdi”

Tanınmış musiqi ifaçısı Soso Pavliaşvili 2024-cü il Avropa çempionatının qrup mərhələsinin 3-cü turunun oyununda Gürcüstan millisinin Portuqaliya yığması üzərindəki qələbəsindən danışıb.

Komanda.az “Sport Express”-ə istinadən xəbər verir ki, musiqiçi bunun tarix olduğunu bildirib:

“Bu, tarixdir! Onların Avropa çempionatına vəsiqə qazanması artıq tarixi nailiyyət idi. İndi komanda bütün Gürcüstan xalqına əsl hədiyyə təqdim etdi. Onlar bu qələbəni dişləri və dırnaqları ilə qazandılar!”.

Gürcüstan yığması Portuqaliya üzərində 2:0 hesablı qələbə qazanıb. Bu uğur sayəsində komanda ispanlarla qarşılaşacağı AÇ-nin pley-off mərhələsinə vəsiqə əldə edib.