Morata: “AÇ-2024-ü qazanmaq olduqca çətindir”

İspaniya millisinin hücumçusu Alvaro Morata komandanın 2024-cü il Avropa çempionatında şansları haqda fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, ispaniyalı futbolçu AÇ-2024-ü qazanmağın olduqca çətin olduğunu bildirib:

“İspaniya bu turnirdə qalib gəlmək üçün var. Sonuncu dəfə yarımfinala çıxmışdıq, ondan əvvəl isə 1/8 finalda oynamışdıq. AÇ-2024-ü qazanmaq olduqca çətindir, amma bizim böyük komandamız var. Ciddi qrupda oynayacağıq. Başa düşürük ki, bizi çətinliklər gözləyir, lakin komanda buna hazırdır”.

AÇ-2024 iyunun 14-dən iyulun 14-dək Almaniyada keçiriləcək. İspaniya millisi turnirə Xorvatiya ilə matçla start verəcək.