AÇ-2024: “İndi hər matç nokaut oyunudur”

İngiltərə millisinin hücumçusu Harri Keyn AÇ-2024-ün 1/8 finalında Slovakiya ilə görüşdən əvvəl fikirlərini bildirib.

Komanda.az xarici KİV-ə istinadən xəbər verir ki, ingilis futbolçu rəqibin ünvanına xoş sözlər deyib:

“Slovakiya millisində keyfiyyətli futbolçular var. Yüksək intensivliklə pressinq etməyi və rəqiblərinin işini çətinləşdirməyi, ötürmə ilə oynamağı və oyunu idarə etməyi xoşlayırlar. Biz lazım olan nəticəni əldə edə bilirik. Nəticə qazanmaq üçün yaxşı oyun keçirməliyik. İndi hər matç nokaut oyunudur”.

Oyun bu gün keçiriləcək və saat 20:00-da başlayacaq.