AÇ-2024: Estoniya millisinin 8 futbolçusu Bakıya gəlməyəcək

Estoniya millisinin 8 futbolçusu AÇ-2024-ün seçmə mərhələsinin F qrupunun Azərbaycan yığması ilə qarşıdakı oyununda iştirak edə bilməyəcək.

Komanda.az xəbər verir ki, bu futbolçulardan yeddisi səhhətinə görə Bakıya gəlməyəcək: Sergey Zenyov, Artur Pikk, Maksim Paskoçi, Marko Lipp, Ken Kallaste, Henrik Pyurq və Markus Soomets.

Tamm Yoonas isə şəxsi işlərinə görə ölkəni tərk etməyəcək.

Azərbaycan – Estoniya matçı iyunun 17-də, Bakıdakı “Dalğa Arena” stadionunda keçiriləcək və saat 20:00-da başlayacaq.