AÇ-2024: “Rəqabət aparmaq üçün hər şeyimiz var”

İtaliya millisinin nümayəndə heyətinin rəhbəri Canluici Buffon Avropa çempionatı başlamazdan əvvəl komanda haqqında danışıb.

Komanda.az “TuttoMercato”-ya istinadən xəbər verir ki, keçmiş qolkiper rəqabət aparmaq üçün hər şeylərinin olduğunu bildirib:

“Düşünürəm ki, komandamız aşağı qiymətləndirilib. Lakin komandamız çox rəqabətlidir. Ən çox bəyəndiyim şey: heyətə daxil olmaq hissi və əla münasibət. Bizdə təvazökarlıq və zəhmət var. Bundan əlavə, dörd, beş və ya altı ən yaxşı oyunçumuz var. Beləliklə, rəqabət aparmaq üçün hər şeyimiz var”.

İtaliya yığması son Avropa çempionudur. Onlar AÇ-2020-nin finalında penaltilər seriyasında İngiltərə millisini məğlub etmişdilər.