AÇ-2024: “Çexiya Portuqaliyaya çox çətinlik yaratdı”

İngiltərə millisinin və “Nyukasl”ın sabiq hücumçusu Alan Şirer 2024-cü il Avropa çempionatında Portuqaliyanın Çexiya üzərində qələbəsindən danışıb.

Komanda.az UEFA-nın mətbuat xidmətinə istinadən xəbər verir ki, ingiltərəli keçmiş futbolçu, çexlərin Portuqaliyaya çox çətinlik yaratdığını bildirib:

“Bu komandanın ehtiyat oyunçular skamyasından çıxıb vəziyyəti dəyişməyə hazır oyunçuları var. Son görüşdə çox çalışmalı oldular. Çexiya Portuqaliyaya çox çətinlik yaratdı”.

Qarşılaşma Portuqaliyanın 2:1 hesablı qələbəsi ilə başa çatıb. Portuqaliyalılar növbəti oyunda Türkiyə millisi ilə qarşılaşacaq.