AÇ-2024: “İspanlara qarşı matçlar bizim üçün həmişə çətin olur”

“Mançester Siti”nin və Xorvatiya millisinin müdafiəçisi Yoşko Qvardiol 2024-cü il Avropa çempionatının qrupu haqda fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, xorvat futbolçu çətin qruplarının olduğunu bildirib:

“Çətin qrupumuz var, hər şeyi mükəmməl başa düşürük. İspanlara qarşı matçlar bizim üçün həmişə çətin olur. Amma bu mübarizə böyük şərəfdir, çünki biz böyük futbol ölkəsi ilə qarşılaşacağıq. Eyni şeyi İtaliya üçün də demək olar. Bu rəqib yüksək oyun keyfiyyətinə və əla oyunçu seçiminə malikdir”.

Xorvatiya millisi qrup mərhələsində İspaniya, İtaliya və Albaniya komandaları ilə mübarizə aparacaq.