![](https://komanda.az/wp-content/uploads/2023/06/ac-2024.jpg)
AÇ-2024: Bu gün ikinci finalçı məlum olacaq
Bu gün Almaniyada təşkil olunan Avropa çempionatında ikinci finalçının adına aydınlıq gələcək.
Komanda.az xəbər verir ki, yarımfinal mərhələsinin son matçında Niderland və İngiltərə milliləri üz-üzə gələcək.
İngiltərə millisi 1/4 finalda penaltilər seriyasında İsveçrəni üstələyib. Niderland isə Türkiyə yığmasını mübarizədən kənarlaşdırıb.
Oyun saat 23:00-da Dortmund şəhərindəki “Siqnal İduna Park” stadionunda start götürəcək.
Yarımfinalın ilk görüşündə Fransa millisini 2:1 hesabı ilə məğlub edən İspaniya finala yüksəlib.
AÇ-2024, yarımfinal
10 iyul
23:00. Niderland – İngiltərə
Baş hakim: Feliks Şvayer (Almaniya)
Dortmund, “Siqnal İduna Park”
Bizi Telegramda izləyin
Bizi Facebook-da izləyin