AÇ-2024: “Bəyənməsələr, kanalı dəyişə bilərlər”

Fransa millisinin baş məşqçisi Didye Deşam millinin Avropa çempionatında zəif çıxışı ilə bağlı tənqidlərə cavab verib.

Komanda.az xarici KİV-ə istinadən xəbər verir ki, fransalı çalışdırıcı, stadionda əla dəstəklərinin olduğunu bildirib:

“Media yazmaqda və istədiyini etməkdə azaddır. Lakin bu qədər şans yaratdıqdan sonra qol vura bilməməyimiz əsəbidir. Uzun müddətdir ki, Niderland millisi ilə oyuna nəzarət etdiyimiz kimi, 5-6 şans yaratdıq.

Stadionda əla dəstəyimiz var və on milyondan çox insan oyunları öz televizorlarında izləyir. Bəyənməsələr, kanalı dəyişə bilərlər”.