AÇ-2024: Azərbaycan – Belçika matçının hakimləri məlum oldu

Bakıda Azərbaycan və Belçika komandaları arasında keçiriləcək AÇ-2024-ün seçmə mərhələsinin oyunu üçün təyinatlar açıqlanıb.

Komanda.az UEFA-nın rəsmi saytına istinadən xəbər verir ki, qarşılaşma Serbiyadan olan hakimlər briqadasına tapşırılıb.

FİFA referisi Nenad Minakoviçə yan xətt hakimləri Slobodan Pavloviç və Nikola Boroviç kömək göstərəcək. Dördüncü hakim funksiyasını isə Milan Mitiç yerinə yetirəcək.

Sentyabrın 9-da “Dalğa Arena”da keçiriləcək Azərbaycan – Belçika matçı saat 17:00-da başlayacaq.