“AÇ-2020-nin qalibi ola biləcək gücdəyik”

Portuqaliya milli komandasının baş məşqçisi Fernando Santos AÇ-2020-nin seçmə mərhələsi çərçivəsində Lüksemburqu məğlub etdikləri oyundan (2:0) sonra açıqlama verib.

Komanda.az xarici mətbuata istinadən xəbər verir ki, Lüksemburqu məlub etməklə AÇ-2020-nin final mərhələsinə vəsiqə qazanan Portuqaliya millisinin çalışdırıcısı, bu turnirin qalibi ola biləcəklərini deyib:

“AÇ-2020-nin qalibi ola biləcək gücdəyik, amma heç bir turnirdə favorit olaraq göstərilmirik. Güclü və keyfiyyətli komandamız var. Portuqaliya millisini məğlub etmək asan deyil. 2016-cı ildə keçirilən Avropa çempionatından əvvəl də qalib ola biləcəyimizi demişdim, amma heç kim buna inanmamışdı. Ancaq sonda biz qalib olduq”.