Van Nistelroy və Stekelenburq yenidən millidə

AÇ-2020-nin C qrupunda Ukrayna və Avstriya ilə mübarizə aparacaq Niderland millisinin məşqçilər korpusuna yeni şəxslər əlavə ediləcək.

Komanda.az xəbər verir ki, bu barədə “De Telegraaf” nəşri məlumat yayıb. Xəbərdə, AÇ-2020-dən öncə Rud Van Nistelroy və Marten Stekelenburqun Ronald Kumanın rəhbərlik etdiyi məşqçilər korpusuna daxil olacağı bildirilir.

Hazırda “Everton”un futbolçusu olan Stekelenburq yaxın zamanda karyerasını bitirib, yeni işinin icrasına başlayacaq. Van Nistelroy isə hazırda PSV-nin akademiyasında çalışır və AÇ-2020-nin başlamasına az qalmış Eyndhoven təmsilçisindəki işindən ayrılıb, yığmaya gedəcək.

Niderland millisi AÇ-2020-nin C qrupunda Ukrayna və Avstriya ilə qarşılaşacaq. Bu komandaların 3-cü rəqibi isə Millətlər Liqasının D liqasının qalibi olacaq.

Van Nistelroy 70, Stekelenburq isə 58 dəfə Niderland millisinin şərəfini qoruyub.