AÇ-2020: Kapitan matçın ən yaxşısı seçildi

AÇ-2020-nin C qrupu çərçivəsində keçirilən Ukrayna – Şimali Makedoniya matçının ən yaxşı futbolçusu müəyyənləşib.

Komanda.az xəbər verir ki, Ukrayna yığmasının hücumçusu Andrey Yarmolenko bu görüşün ən yaxşısı seçilib.

Bu barədə UEFA-nın rəsmi saytı məlumat yayıb. 31 yaşlı futbolçu bu görüşdə qazandıqları qələbədə əsas pay sahiblərindən biri olub. Belə ki, komandasının 2:1 hesabıyla qalib gəldiyi görüşdə kapitan Yarmolenko bir qol vurub, digər qolda da məhsuldar ötürmə müəllifi olub.

Qeyd edək ki, Yarmolenko hazırda İngiltərənin “Vest Hem” klubunun formasını geyinir.