Löv istirahət edəcək

AÇ-2020-dən sonra Almaniya millisinin baş məşqçi postundan ayrılacağını açıqlayan Yoahim Löv bir müddət istirahət edəcəyini deyib.

Komanda.az xarici mətbuata istinadən xəbər verir ki, adı “Barselona” və “Real”la hallanan Löv, yayda yeni bir komanda ilə müqavilə imzalamayacağını bildirib:

“Barselona” və ya “Real”da baş məşqçilik etməyəcəm. Bir müddət dincələcəm və heç bir komanda ilə müqavilə imzalamayacam”.

Lövdən sonra Almaniya milli komandasını Hans-Diter Flik çalışdıracaq.