“Abşeron”la “Azərreyl”dən növbəti qələbə

Qadın voleybolçular arasında Azərbaycan Yüksək Liqasında 3-cü turun oyunları keçirilib.

Komanda.az xəbər verir ki, bütün qarşılaşmalar eyni gündə baş tutub.

“Milli Aviasiya Akademiyası” – “Abşeron” görüşündə qonaqlar 3:2 hesablı qələbə qazanıblar.

“Gəncə” kollektivi “Murov Az Terminal”ı, “Azərreyl” isə UNEC komandasını 3:0 hesabı ilə üstələyib.

Üç turdan sonra birinci, ikinci pillələri bölüşən “Abşeron” və “Azərreyl”in 8 xalı var. “Gəncə” və “Murov” 4, “Milli Aviasiya Akademiyası” isə 3 xala malikdir. Bütün görüşlərdə məğlub olan UNEC isə xalsızdır.