Vela Qrizmannı ABŞ-a aparmaq istəyir

ABŞ-ın “Los Anceles” klubunun futbolçusu Karlos Vela “Atletiko”nun hücumçusu Antuan Qrizmannı MLS-ə aparmaq istəyir.

Komanda.az xəbər verir ki, bu barədə meksikalı hücumçu, “instaqram” hesabında canlı yayım zamanı deyib. O, Qrizmannla bu haqda danışdığını söyləyib:

“Qrizmannı ABŞ-a gətirmək istəyirəm. Bu barədə bir neçə dəfə danışmışıq. Hər dəfə ona deyirəm ki, mütləq Los Ancelesə gəlməlidir”.

Vela və Qrizmann İspaniyanın “Real Sosyedad” klubunda birgə çıxış edib.