Abbasov sabah Pirayevlə döyüşəcək

Azərbaycanın və “Qəbələ” İdman Klubunun MMA döyüşçüsü Nəriman Abbasov sabah növbəti döyüşünə çıxacaq.

Komanda.az xəbər verir ki, 77 kq çəkidə çıxış edən idmançımız “Hype Fighting Championship” turnirində qüvvəsini sınayacaq.

Abbasovun kəmər uğrunda qarşılaşmadakı rəqibi Rusiya təmsilçisi Mariq Pirayev olacaq. Qarşılaşma Rusiyanın paytaxtı Moskvada keçiriləcək.

Nəriman iki il əvvəl bu rəqibi ilə görüşüb. O, “Fights Nights”da rəqibinə qalib gəlib.