“Brayton” uduzdu, futbolçusu Ronaldoya çatdı

İngiltərə Premyer Liqasının 3-cü turu çərçivəsində “Brayton” “Mançester Yunayted”ə 2:3 hesabı ilə məğlub olub.

Komanda.az xəbər verir ki, “Brayton”un futbolçusu Leandro Trossard bu oyunda rekordla yadda qalıb. 25 yaşlı futbolçu oyun ərzində “çərçivə”yə üç dəfə zərbə endirib. Bununla da, o, “Mançester Yunayted”in keçmiş futbolçusu Kriştiano Ronaldonun rekordunu təkrarlayıb. Hazırda “Yuventus”da çıxış edən Ronaldo 2006-cı ildə “qırmızı şeytanlar”ın heyətində “Nyukasl”a qarşı oyunda “çərçivə”yə üç zərbə endirərək, rekorda imza atmışdı.