Sabiq dünya çempionu ABŞ-da klub aldı

“Yuventus”un və İtaliya millisinin sabiq futbolçusu Alessandro Del Pyero ABŞ-da klub sahibi olub.

Komanda.az xəbər verir ki, sabiq yarımmüdafiəçi LA10 futbol klubunu alıb. Bu barədə İtaliya mətbuatı məlumat yayıb.

Los-Anceles şəhərini təmsil edən LA10, 2018-ci ildə iştirak etdiyi liqada məğlubiyyətsiz çempion olaraq, ABŞ-ın 3-cü liqası UPSL-ə vəsiqə qazanıb.

1993-2012-ci illər aralığında “Yuventus”da forma geyinən Del Pyero, İtaliya A Seriyasında 4 dəfə bombardir olub, bir dəfə isə ilin futbolçusu seçilib. Sabiq yarımmüdafiəçi 2006-cı ildə İtaliya millisi ilə dünya çempionu olub.