“İndi hər şey sadədir, Mançesterə gedib, qələbə qazanmalıyıq” – Zidan

“Real”ın baş məşqçisi Zinəddin Zidan Çempionlar Liqasının 1/8 finalında “Mançester Siti”yə məğlub olduqları oyundan sonra fikirlərini bildirib.

Komanda.az UEFA-nın mətbuat xidmətinə istinadən xəbər verir ki, fransız mütəxəssis, 1:2 hesabıyla bitən görüşü belə şərh edib:

“Oyunun böyük bir hissəsini üstün tərəf kimi oynadıq. Ancaq son 10 dəqiqədə vəziyyət dəyişdi. Nəticə etibariylə səhv etdik və cəzalandıq. Xüsusilə, “Mançester Siti” kimi komandaya qarşı 90 dəqiqə diqqətli olmalısan. Bu, mübarizənin bir parçasıdır. İndi hər şey sadədir, Mançesterə gedib, qələbə qazanmalıyıq”.

“Mançester Siti” ilə “Real” arasındakı cavab matçı martın 17-də keçiriləcək.