ÇL: “Bu, komandam üçün vacib axşamdır”

Zaqreb “Dinamo”sunun baş məşqçisi Fabio Kannavaro UEFA Çempionlar Liqasının ümumi mərhələsinin 8-ci turunda “Milan”la bu gün keçirəcəkləri oyunla bağlı gözləntilərini bölüşüb.

Komanda.az UEFA-nın rəsmi saytına istinadən xəbər verir ki, italiyalı çalışdırıcı bunun oyunçuları üçün vacib axşam olduğunu bildirib:

“Çempionlar Liqası xüsusilə, “Milan” kimi komandaya qarşı oynadığınız zaman əlavə motivasiyadır. Bu, komandam üçün vacib axşamdır. Biz konsentrasiyalı, kəskin və dözməyə hazır olmalıyıq. Qol şanslarımızdan yararlanmalıyıq”.

“Milan” Çempionlar Liqasının ümumi mərhələsində 7 oyundan sonra 15 xalla turnir cədvəlinin 6-cı pilləsində qərarlaşıb. “Dinamo” isə 8 xalla 26-cı yerdədir.