“Real” “Barselona”nı təbrik etdi

“Real”ın mətbuat xidməti sosial şəbəkə vasitəsilə “Barselona”nı ad günü münasibətilə təbrik edib.

Komanda.az xəbər verir ki, “kral klubu” sosial şəbəkə hesabındakı paylaşımında “Barselona”nı 125 illik yubileyi münasibətilə təbrik etdiklərini bildirib:

“Barselona”nı 125 illik yubileyi münasibətilə təbrik edirik. Tariximiz boyu belə bir klubla rəqabət aparmaq bizim üçün böyük şərəfdir”.

Kataloniya klubu noyabrın 29-da 125 illik yubileyini qeyd edib.

Madriddəki “Santyaqo Bernabeu”da “Real”la “Barselona” arasında son qarşılaşma Karlo Ançelottinin komandasının 0:4 hesablı məğlubiyyəti ilə başa çatıb.

“Real” hazırda La Liqada “Barselona”dan 4 xal geri qalaraq, turnir cədvəlinin 2-ci pilləsində qərarlaşıb.