“Real” qışda yeni oyunçu almayacaq

“Real” növbəti transfer pəncərəsidə planları ilə bağlı qərar verib.

Komanda.az “Relevo”-ya istinadən xəbər verir ki, “kral klubu” yanvarda yeni oyunçularla müqavilə imzalamayacaq. Klub müdafiə xəttini gücləndirmək üçün oyunçu dəvət etməyəcək.

“Real”ın baş məşqçisi Karlo Ançelotti yarımmüdafiəçi Orelyen Tçuamenini müdafiədə oynatmaq qərarına gəlib. Madrid klubu zədə səbəbindən iki əsas müdafiəçisini – braziliyalı Eder Militao və ispaniyalı Dani Karvahalı itirib.

“Real” İspaniya çempionatının 13 turundan sonra 27 xal toplayaraq 2-ci pillədə qərarlaşıb. Ançelottinin komandası lider “Barselona”dan 6 xal geri qalır.