“Yuventus”la “Real”ın hədəfindədir – PSJ-dən narazı olan futbolçu

“Real” və “Yuventus” qış transfer pəncərəsində müdafiə xəttini gücləndirmək istəyir.

Komanda.az “TodoFichajes”-ə istinadən xəbər verir ki, Madrid və Turin klubları PSJ-nin müdafiəçisi Milan Skrinyarla maraqlanır.

Slovakiyalı futbolçu PSJ-dəki durumundan narazıdır və klubdan onu qışda icarəyə buraxmağı xahiş edib. 29 yaşlı müdafiəçi artıq “Yuventus”la danışıqlar aparır. Həmçinin, “Real” da müdafiədəki problemlərini həll etmək üçün Skrinyarı uğurlu variant hesab edir. Klub seçimində son sözü futbolçu özü deyəcək.

“Transfermarkt” portalı Skrinyarı 20 milyon avro dəyərində qiymətləndirir.